دوو کرێکار لە هەولێر کەوتنە ناو تانکی قیر و گیانیان لەدەستدا

ئەمڕۆ شەممە 7ی شوباتی 2026، لە هەولێر دوو کرێکار لە کارگەیەکی دروستکردنی ئیزوگام لەکاتی پاککردنەوەی تەنکییەکی قیر کەوتنە ناو تەنکییە قیرەکەوە و بەهۆی نەمانی ئۆکسجین خنکان.

بەرگریی شارستانیی هەولێر رایگەیاند، تیمەکانیان لە هەوڵی دەرهێنانی کرێکارەکاندان و تا ئێستا تەرمەکانیان دەرنەهێنراوە.

بەپێی زانیارییە سەرەتاییەکان، یەکێک لە کرێکارەکان ئێرانییە و ئەوی دیکەشیان بەنگلادیشییە.